ရှေးအခါက ... ဗာရာဏသီပြည်မှာ ဘောဇနသုဒ္ဓိ မင်းနန်းစံနေတယ်။
အဲဒီမင်းဟာ စားတော်ထမင်းအုပ်ကို အဖိုးတစ်သိန်းထိုက်အောင် ပြင်ဆင်စေတယ်။ သူဟာ ရှေးဘုန်းရှေးကံကောင်းလို့ ဒီလိုအဖိုးတစ်သိန်းထိုက်တဲ့ ပွဲတော်အုပ်ကို သုံးဆောင်နေနိုင်တာဖြစ်ကြောင်း လူတွေ တွေ့မြင် အားကျလာစေချင်တယ်။ အဲဒီအခါမှ လူတွေ အားကျပြီး ဘုရင်လို ဘုန်းကံကောင်းလာအောင် ကုသိုလ်ကောင်းမှုတွေ ပြုလုပ်လာလိမ့်မယ်လို့ မျှော်လင့်ပြီး .....
နန်းတော်ရှေ့မှာ မဏ္ဍာပ်ထိုးကာ အလှအပတွေ တန်ဆာဆင်ပြီး ထီးဖြူမိုး ရာဇပလ္လင် ပေါ်မှာ ရွှေခွက်နဲ့ အဖိုးတစ်သိန်းထိုက်အောင် ပြင်ဆင်ထားတဲ့ စားတော်အုပ်ကို စားသုံးပြတယ်။ ဘေးမှာလည်း ခြွေရံ ခစားတွေနဲ့ပေါ့။
အဲဒီအချိန် လူတစ်ယောက်က မင်းကြီးစားသောက်နေတာကိုကြည့်ပြီး သာရေယိုလာတယ်။ စားချင်စိတ်တွေ ထိန်းချုပ်မရတော့ဘူး။ ဖြစ်ချင်ရာဖြစ်ပစေ ဘုရင်စားတဲ့ ထမင်းတစ်လုပ်စားရအောင် လုပ်မယ်လို့ ဆုံးဖြတ်လိုက်တယ်။ နောက်ပြီးအကြံထုတ်ပါတယ်။
အဲဒီယောက်ျားဟာ လက်နှစ်ဖက်ကိုမြှောက်ပြီး-
ကျွန်ုပ်ဟာ တမန်တော်ဖြစ်ပါတယ်။
ဟုဆိုကာ မင်းကြီးစားတော်ခေါ်တာကို ကြည့်နေတဲ့ လူကြားထဲတိုးဝင်သွားတယ်။ တခြားတိုင်းပြည်တစ်ပြည်က စေလွှတ်လိုက်တဲ့ တမန်တော်ထင်လို့ လူတွေက လမ်းဖယ်ပေးကြတယ်။ အဲနောက် လျင်မြန်စွာ မင်းကြီးနား တိုးကပ်သွားကာ မင်းကြီးရဲ့စားတော်ခွက်ကို နှိုက် ၊ထမင်းအုပ်ကို လုယူကာ စားသောက်လိုက်တယ်။
အတင့်ရဲလွန်းစွာ ၀င်ရောက်နှောက်ယှက်တဲ့ ထိုလုလင်ဦးခေါင်းကိုဖြတ်သတ်မယ်ဆို ပြီး အစောင့်အကြပ်တွေက သန်လျက်နဲ့မိုးထားကြတယ်။ ဒါကိုမင်းကြီးက မသတ်ဖို့တားပြီး ဆက်သာစားရန် ပြောပြီး ထိုင်ကြည့်နေတယ်။ ၀လင်အောင် သုံးဆောင်စေတယ်။ပြီးမှ မင်းကြီးက စုံစမ်းမေးမြန်းကြည့်ပါတယ်။
သင်ဟာ တမန်တော်လို့ ဆိုတယ်။ ဘယ်တိုင်းပြည် ဘယ်နိုင်ငံက ဘယ်လိုကိစ္စမျိုးဆောင်ရွက်ဖို့ စေလွှတ် လိုက်တာလဲ...
မှန်လှပါ ....အရှင်မင်းကြီး ၊ ဗိုက်ရဲ့ စေခိုင်းချက်အရ ရောက်လာရတဲ့ ၀မ်းဗိုက်ရဲ့ တမန်တော် ဖြစ်ပါတယ်။
ဟေ...မကြားစဖူး ထူးကဲလှချည်းလား ၀မ်းဗိုက်ရဲ့တမန်တော်ဆိုတာကို ထင်လင်းအောင် လျှောက်တင်စမ်းပါဦး...
သည်းခံပါ အရှင်မင်းကြီး၊ သတ္တ၀ါမှန်သမျှတို့ဟာ ၀မ်းဗိုက်အတွက် လိုအပ်တဲ့ အာဟာရ ရရှိ အောင်နေ့ရောညဥ့်ပါ၊ အခါမလပ်၊ ရှာဖွေကြံဆနေ ကြရပါတယ်။ ၀မ်းဗိုက်ရဲ့ အလိုနိုင်ငံကို လိုက်ပါနေကြရပါတယ်။ ကျွန်ုပ်လည်း ၀မ်းဗိုက်ရဲ့ တမန်တော်ဖြစ်ပါတယ်။ ၀မ်းဗိုက်က စားချင်တဲ့ တပ်မက်စိတ်ကြောင့် ဣနြေ္ဒပင် မဆယ်နိုင်ခဲ့ပါဘူး။ ငါ့ဝမ်းပူဆာ မနေသာဆိုသလို ၀မ်းဝဖို့အရေး အသက်ပေးဆောင်ရွက်ခဲ့ခြင်း ဖြစ်ပါတယ် ဘုရား။
ယောက်ျားရဲ့လျှောက်တင်သံကို နားထောင်ပြီးတဲ့အခါ မင်းကြီးက ...
သင်လျှောက်ထားတဲ့စကားမှန်ကန်ပါပေတယ်။ သတ္တ၀ါတိုင်း ၀မ်းဗိုက်ရဲ့ တမန်တော်များဖြစ်ကြတယ်။ စားလိုသော တဏှာက စေခိုင်းသမျှကို လုပ်နေကြသူများ ဖြစ်ပေတယ်။ နှစ်သက်စရာကောင်းတဲ့စကားလို့ ဆိုပြီး ၀မ်းမြောက်ဝမ်းသာ ချီးကြူးပြီး စည်းစိမ်ဥစ္စာတွေ ချီးမြှောက်လိုက်ပါတယ်။
ထိုသို့သော တဏှာရဲ့ စေခိုင်းမှုကြောင့် ၀မ်းဝဖို့အရေး လုပ်ကိုင်စားသောက်ရာတွင် ဗုဒ္ဓဘာသာဝင် များအနေဖြင့် သီလအစု ငါးခုသော တရားတို့ကို ခါးဝတ်ပုဆိုးလို စွဲပြီး မြဲကြရပါမည်။ ဗုဒ္ဓဘာသာဝင်တို့ မပြုလုပ်သင့်သည့် ၀မ်းကျောင်းမှုတို့ကို လည်း မြတ်စွာဘုရားက....
၁။ လက်နက်ရောင်းဝယ် ကုန်သွယ်ခြင်း။
၂။ လူကိုရောင်းဝယ်ကုန်သွယ်ခြင်း။
၃။ သားငါးကို ရောင်းဝယ်ကုန်သွယ်ခြင်း။
၎။ ဘိန်းအရက် စသော မူးယစ်စာတို့ကို ရောင်းဝယ်ကုန်သွယ်ခြင်း။
၅။ အဆိပ်ကို ရောင်းဝယ်ကုန်သွယ်ခြင်း။
ဟုညွန်ပြ ဟောတော်မူထားပေရာ ငါ ဗုဒ္ဓဘာသာဝင် ဟူသော မွန်မြတ်သော စိတ်ထားဖြင့် ဤမိစ္ဆာကုန်သွယ်ခြင်း တို့ကို ရှောင်ကြဉ်ပြီး တရားသော ကုန်သွယ်ခြင်း ၊ တရားသော အမှုတို့ဖြင့် အသက်မွေး ၀မ်းစာရှာကြရပေမည်။
No comments:
Post a Comment